Bioterrak elikadura ekologikoaren eta bizimodu osasungarri eta jasangarriaren erreferentziazko azoka bezala duen papera berretsi du, 9.000 bisitari inguru jaso dituelarik. Euskadiko azoka ekologikoaren 23. edizioak ateak itxi ditu, azokak jasangarritasuna, osasuna, ongizatea eta ingurumen-kontzientzia uztartzen dituen eredu baterantz abiatu duen bilakaerak izan duen harrera bikaina indartuz:

• Bisitarien %85 azokako eskaintzarekin pozik edo oso pozik bukatu du, eta %90ak berriro etorriko dela adierazi du.

• Osasuna, ongizatea eta helduaroarekin lotutako eduki berriek harrera bikaina izan dute.

• Yoga Day, Amalurra gunea eta dastatze gastronomikoak edizio honetako protagonista nagusietako batzuk bihurtu dira.

Bioterra etorkizunari begira dago. Aurtengo edizioan berrikuntzak txertatu ditu, bai espazioen antolaketan, bai edukietan. Aurrerapauso horren isla izan da aurtengo leloa: “Irauten duena zaintzen dugu”.